2 Bedroom House For Sale in Bela Bela Rural

Net sowat 10 km buite Bela-Bela, weggesteek tussen die berge en natuurlike skoonheid van die Waterberge, lê Lekkerbreek - 'n besonderse Bosveldplaas waar die natuur, wildlewe en goeie geselskap saamkom. 

Lekkerbreek is in 1974 gestig en het oor die jare gegroei tot 'n unieke toevlugsoord van meer as 600 hektaar, waar 40 aandeelhouers die voorreg geniet om deel te wees van hierdie besondere stukkie Bosveld. 

Die natuur op jou voorstoep! 

Hier loop sebras, koedoes, blouwildebeeste, rooibokke, waterbokke, njalas en verskeie ander wildspesies vry rond. Met meer as 100 voëlspesies is dit ook 'n paradys vir voëlliefhebbers. 

Water, berge en Bosveldrus 

Lekkerbreek grens aan die pragtige Bisschoff-dam, 'n provinsiale dam van ongeveer 10 hektaar waartoe slegs Lekkerbrekers toegang het. Die plaas spog ook met vier uitspanplekke langs die dam en 'n vleiland met 'n skuiling waar jy die voëllewe van nader kan geniet. 

Jou eie lapa in die Bosveld 

Wat Lekkerbreek so besonders maak, is die unieke aandeelhoudingstruktuur. 

Hier koop jy nie 'n gewone erf nie, maar 'n aandeel in 'n geregistreerde maatskappy wat die plaas besit en deur die lede self bestuur word. 

Elke aandeelhouer het ingevolge die aandeelhouersooreenkoms die reg om 'n privaatwoning of lapa vir eie gesin, familie en vriende se gebruik op te rig. 

Dit beteken jy geniet jou eie privaat Bosveldwegbreek, terwyl jy deel vorm van 'n groter gemeenskap wat die natuur en die plaas saam koester. 

Waar die natuur eerste kom 

Lekkerbreek is 'n ekovriendelike toevlugsoord waar natuurbewaring 'n prioriteit is. Die streng gedragskode help om die rustigheid te bewaar, met geen motorfietse, motorbote of onnodige geraas nie. 

Hier gaan dit oor die eenvoudige dinge - die roep van 'n visarend, wild wat verbyloop, 'n vuurtjie onder die sterre en die vrede wat net die Bosveld kan bied. 

Meer as net 'n wegbreekplek - 'n gemeenskap 

Lekkerbrekers deel nie net 'n liefde vir die natuur nie, maar ook vir lekker saamkuier. Die gemeenskaplike makietie-lapa bied 'n gesellige bymekaarkomplek waar vriendskappe gebou en herinneringe gemaak word. 

Lekkerbreek is nie net 'n plek nie, dis 'n leefstyl! 

Of jy nou 'n rustige naweek saam met jou gesin wil deurbring, die natuur wil verken of bloot met 'n koppie koffie na die Bosveld wil sit en kyk - hier kan jy werklik afskakel. 

Jou eie stukkie Bosveldvrede wag by Lekkerbreek! 

Kontak my gerus vir meer inligting oor die unieke aandeelhouding en die geleentheid om deel te word van die Lekkerbreek-familie. 

LEKKERBREEK - ONS PLEK IN DIE NATUUR.